Fréttir af samstæðunni og dótturfélögum hennar.
Hagnaður ársins 2025 nam 586,3 milljónum króna og meira en fjórfaldaðist milli ára. Eignir samstæðunnar voru tæplega 25,7 milljarðar og félagið býst við góðu rekstrarári 2026 á öllum fjórum sviðum sínum.
Fyrsta sending byggingareininga fyrir nýtt 99 rýma hjúkrunarheimili við Hringhamar 43 í Hafnarfirði er komin til landsins. Íslenskar fasteignir annast framkvæmdina og stefnt er að verklokum í lok febrúar 2027.
Andrés Jónsson hefur tekið við starfi forstjóra Flóra hotels og mun leiða áframhaldandi uppbyggingu og vöxt félagsins. Hann hefur víðtæka reynslu úr íslenskri ferðaþjónustu og starfaði um árabil hjá Icelandair.
Gunnar Sigurðsson hefur tekið við sem stjórnarformaður Sóltúns heilbrigðisþjónustu og Sigríður Gunnarsdóttir tekur sæti í stjórn. Önnu Birnu Jensdóttur er þakkað einstakt framlag til Sóltúns í 25 ár.
Inga Sæland félags- og húsnæðismálaráðherra og Halla Thoroddsen forstjóri Sóltúns tóku fyrstu skóflustunguna að stækkun hjúkrunarheimilisins. Hjúkrunarrýmum fjölgar úr 92 í 159 og verklok eru áætluð árið 2027.