Heilbrigðisþjónusta

Með kaupum á félaginu Öldungi hf., sem rekur hjúkrunarheimilið Sóltún, hóf Íslensk fjárfesting virka þátttöku í íslenskri öldrunarþjónustu árið 2009. Eftirspurn eftir þjónustu í þessum geira mun aukast verulega á næstu árum og áratugum í takt við hækkandi meðalaldur þjóðarinnar.

Stefnan er að einbeita sér að þeim þáttum öldrunarþjónustunnar þar sem mest vaxtartækifæri eru framundan — að auka framboð af öldrunarþjónustu á Íslandi með það að leiðarljósi að veita öldruðum þá þjónustu sem þeir óska helst eftir, á þeim stað sem hentar þeim best og þegar þeir þurfa á henni að halda, helst í samstarfi við stærsta þjónustukaupandann, ríkið.

Undir merkjum Sóltúns er rekið hjúkrunarheimili í Reykjavík og á Sólvangi í Hafnarfirði, dagdvalir, heimaþjónustan Sóltún Heima og Sóltún Heilsusetur — nýsköpunarverkefni sem stuðlar að bættum lífsgæðum aldraðra í sjálfstæðri búsetu. Ný stefna Sóltúns, Nærandi samfélag, leggur áherslu á umhyggju, virðingu og velsæld í öllu starfi.