KILROY International

Stærsta fjárfesting félagsins á ferðaþjónustusviði er félagið KILROY International A/S. KILROY er evrópskt ferðaþjónustufyrirtæki sem er leiðandi á þeim sviðum sem það starfar á. Félagið starfar nú í sjö löndum, með skrifstofur á 20 stöðum í Evrópu og starfar undir fjórum vörumerkjum.

Hér má nálgast alþjóðlegt vefsvæði KILROY.

KILROY International er móðurfyrirtæki nokkurra evrópskra ferðaþjónustufélaga sem eru hvert og eitt leiðandi í þeirri tegund ferðaþjónustu sem félögin hafa skilgreint sem sinn markað. KILROY rekur vörumerki á átta mörkuðum í Evrópu og hjá KILROY starfa meira en 400 manns.

KILROY hafði vaxið umtalsvert á árunum fram að COVID-19 og tekið yfir fjölmörg minni ferðaþjónustufyrirtæki. Búist er við að vöxtur taki við sér að nýju á næstu árum bæði á núverandi mörkuðum fyrirtækisins og nýjum mörkuðum.

Helstu vörumerkin eru KILROY, Benns, Jysk Rejsebureau, Win­ berg Travel og ISIC. Félagið leggur mesta áherslu á einstaklings­ miðaðar ferðir og vega þar þyngst svokallaðar „backpackers“ ferðir en félagið hefur lengi verið í forystu á því sviði á Norður­ löndunum. Stærsti viðskiptavinahópur fyrirtækisins er ungt fólk og stúdentar en KILROY hefur meira en 60 ára reynslu í að þjóna þeim markhópi.

KILROY leggur mikið upp úr því að byggja upp vörumerki sín og efla það traust sem viðskiptavinirnir hafa á þeim. Mikil áhersla er lögð á menntun starfsfólks og að það búi sjálft að umtalsverðri ferða­ reynslu sem það getur miðlað til viðskiptavina. Undanfarin ár hefur verið fjárfest markvisst í upplýsingatækni og þjónustu á netinu og mun áfram verða leitað leiða til að þjóna viðskiptavininum sem best í gegnum netið.

Starfsemi KILROY skiptist í raun í nokkra markaði. Auk einstaklings ferðanna sem að ofan er getið hefur KILROY sérhæft sig í ráðgjöf um menntun erlendis og hópferðum skólahópa. Benns er stærsti söluaðili námsferða í Danmörku ásamt því að selja dýrari ferðir á borð við siglingar, safarí, heilsuferðir og fleira. Jysk Rejsebureau hefur líkt og KILROY sérhæft sig í einstaklingsmiðuðum ferðum en skírskotar til breiðara aldursbils.

KILROY leggur áherslu á að starfsemi fyrirtækisins gagnist ekki eingöngu viðskiptavinum heldur líka umhverfinu og öðrum hags­ munaaðilum með langtíma sjálfbærni að leiðarljósi.

RR hótel

Helsta vörumerki RR hótels er REYKJAVIK RESlDENCE HOTEL. Hótelið er í sögufrægum húsum í miðborg Reykjavíkur, byggðum snemma á síðustu öld. Þau hafa verið endurnýjuð í góðri sátt við uppruna þeirra og byggingaryfirvöld. Fyrrum hlutverkum húsanna er miðlað í máli og myndum í hverju húsi fyrir sig á sameiginlegum svæðum þess. Hótelið er fyrir kröfuharðari viðskiptavini og hefur unnið til fjölmargra verðlauna. Reykjavík Residence hefur verið starfrækt síðan í mars 2011 og framkvæmdastjóri félagsins er Inga Harðardóttir.